Aam si saari dunya

0

Aam si larki thee woh

aam sa chehra tha uska

aam sa honton ka til

aam si ik latt thee jis ko
hont daba laitay thay

aam si woh muskurahat
jo kabhi aam say ik phone per
aam say sms ko tak-tay
murjhai hui khil uthti thee

aam say bachpan mai jub koi shararat ki ho ghee

aam say mathay pay chot tub kaheen lagi ho ghee

aam si uss chot ka aam sa ik dagh tha

aam si theen aarzoain

aam si thandi ice cream

aam sa khanday pay sir

aam si long drive khahish

Janay uss larki kay gird sub bhala kiun aam tha ?

aam say galon pay ansoo

jo saraktay ,labon  ki dehleez tak

ankhay lafzon main kitni goonj painda ker ghay

woh jo ansoo uss ki ankhon say sarkay thay kabhi

aaj bhi mairay ghalon per kaheen posheeda hain

amm sa geela sa till tha amm sa , toota sa dil tha

aam say kuch faslay thay
aam sa sara jahan tha

aam sa larka tha main aur
aam si larki thee woh

Shahzeb ka nokar

0
“Rang.e.ufaq kuch zard sa maloom hota tha hawaili main
Ranj o kasak ubaltay ja rahay thay chaey ki pateeli main

Ghanti baji thee zoron ki, woh bhagta pohcha tha gate per
tub Koi bola uss mulazim say kay ghar aaj naey bachay ki amad hai
zeenat-e-padshah-e-waqt yani Shahzeb naam rakha hai

hansna hassana , muskurahat, naey kapray aur 
chohlay per giri chey kay dagh
aye thay uss mulazim kay hissay main

Rang.e.ufaq kuch zard sa maloom hota hai aaj bhi hawaili main
Ranj o kasak ubaltay ja rahay hain aaj b chaey ki pateeli main

Ghanti aaj bhi zoron say bajti ja rahi hai
bhoora mulazim aaj chaltay, hanptay pohncha hai gate per

aik sannata sa hai aur aik lasha sa hai, ghaari ki agli seat per
bhoora mulazim cheekha , tau sir pay mandlatay parindon ki sansain ruk ghai

zeenat-e-…. padshah-e-waqt thooo!!, hassa woh zor say 

Chaey Ghirti rahi
aur cheelain kawain uss umar raseeda ghamzada nokar 
kay sir per tawaf kertay rahay”